Қарори КМИР
Душанбе, 19 январ.(АМИТ «Ховар», Марзия Саидова). – Дар ҷаласае, ки 19 январ дар ҳузури Шермуҳаммади Шоҳиён, Раиси Комиссияи марказии интихобот ва раъйпурсии ҷумҳурӣ баргузор гардид, ба намояндаи Ҳизби халқии демократии Тоҷикистон /ҲХДТ/ Абдураҳмон Хонов мандати вакили Маҷлиси намояндагони Маҷлиси Олии Ҷумҳурии Тоҷикистон аз ҳавзаи ягонаи умумиҷумҳуриявӣ ба ивази вакили хориҷшуда дода шуд. Мавсуф ҳамчун вакил ба қайд гирифта шуд ва ваколаташ тасдиқ гардид. Мавриди зикр аст, ки тибқи талаботи моддаи 57-и Қонуни конститутсионии Ҷумҳурии Тоҷикистон «Дар бораи интихоботи Маҷлиси Олии Ҷумҳурии Тоҷикистон» дар мавриди пеш аз мӯҳлат қатъ гардидани ваколати вакиле, ки дар натиҷаи тақсимоти мандатҳои вакилӣ дар байни ҳизбҳои сиёсӣ интихоб шудааст, мандаташ бо қарори Комиссияи марказии интихобот ва раъйпурсии ҷумҳурӣ ба номзаде, ки баъд аз интихобшудагон дар рӯйхати дахлдор қарор дорад, дода мешавад. Аз ин рӯ, тибқи рӯйхати ҳизбӣ намояндаи ҲХДТ Абдураҳмон Хонов аз ҳавзаи якмандатии умумиҷумҳуриявӣ бе баргузории интихобот дар курсии вакили палатаи поёнии парлумони мамлакат менишинад. А. Хонов вазиваи сардори бахши тарбияи ватанпарастии Кумитаи ҷавонон, варзиш ва сайёҳии назди ҳукумати ҷумҳуриро иҷро мекард.
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Имрӯз дар якчанд вазорату идораҳо нишастҳои матбуотӣ баргузор мегарданд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
Имрӯз дар Тоҷикистон ҳавои тағйирёбанда пешгӯӣ мешавад
Имрӯз дар Тоҷикистон бориши борон ва барф пешгӯӣ мешавад
