Қочоқчиён дастгир шуданд

Душанбе, 19 январ. (АМИТ «Ховар», Лутфия Эшонқулова ). – Кормандони Вазорати корҳои дохилии ҷумҳурӣ дар ҷараёни амалиёти фаврӣ дар ноҳияҳои Фирдавсӣ ва Синои пойтахт беш аз 12 килограмм маводи нашъаоварро мусодира намуданд. Тавре сардори маркази матбуоти ВКД ҶТ Маҳмадулло Асадуллоев ба АМИТ «Ховар» хабар дод, кормандони идораи милиса аз яке аз сокинони шаҳр 4 килограмму 756 грамм маводи нашъаоварро мусодира карданд. Дар ҷараёни амалиёти дигар сокини 61 солаи шаҳри Душанбе Амирхон Ҷалилов дастгир шуда, аз ӯ қариб 2 килограмм героин мусодира гардид. Кормандони милиса аз мошини номбурда боз беш аз 6 килограмм героинро пайдо намуданд.Аз рӯи ҳар ду ҳодиса парвандаи ҷиноӣ кушода, тафтишот идома дорад.