Ҷалби 664 нафар омӯзгори ҷавон ба кор

Душанбе, 4 январ. (АМИТ «Ховар», Бекназари Абӯбакр). — Соли таҳсили 2011-2012 664 нафар ё худ 72,6 фоизи мутахасисони ҷавоне, ки дар вилояти Суғд ба мактабҳои таҳсилоти умумии шаҳру ноҳияҳо роҳхат гирифтаанд, ба фаъолияти омӯзгорӣ шурӯъ намуданд.Дар шӯъбаи маорифи шаҳру ноҳияҳои Қайроққум, Истаравшан, Чкалов, Табошар, Зафаробод, Спитамен, Шаҳристон, Кӯҳистони Мастчоҳ ба кор ҷалб намудани мутахассисон хуб ба роҳ монда шудааст ва аз 80 то 100% — и мутахассисон ба ҷои кор ҳозир гаштаанд.Бояд гуфт, ки соли ҷорӣ Донишгоҳи давлатии Хуҷанд ба номи академик Б.Ғафуров нисбат ба 30 нафар хатмкардаи гурӯҳҳои буҷавӣ, ки ба ҷойи кор ҳозир нашуданд, барои рӯёнидани маблағи таҳсил ба суди иқтисодӣ бо шикоятнома муроҷиат намудааст.