Ҷоми ИДМ хотима ёфт

Душанбе, 30 январ. ( АМИТ «Ховар», Аловиддин Бӯриев).- Дар шаҳри Санкт-Петербурги Русия мусобиқаи дастаҳои мунтахаби футболи ҷавонони 12 кишвар барои Ҷоми Иттиҳод, ки бори аввал бо шарту шароити дигар гузаронида шуд, ба поён расид. Дар вохӯрии ниҳоӣ дастаи мунтахаби ҷавонони Русия бо ҳамтои беларуси худ во хӯрда, бо натиҷаи 2 бар 0 пирӯзӣ ба даст овард ва соҳиби ҷом шуд. Футболбозони Украина дар ин замина дастаи Латвияро бо ҳисоби 3 бар 0 шикаст дода, соҳиби мақоми ифтихории сеюм шуданд. Футболбозони мо дар ҷамъи вохӯриҳо бо ду мусовӣ танҳо аз дастаи Туркманистон пеш гузашта, дар зинаи 11 мавқеъ гирифтанд.