2000 оилаи эҳтиёҷманд соҳиби манзил гардид

Кӯлоб, 28 январ. (АМИТ «Ховар», С.Холов ). – Дар шаҳри Кӯлоб то имрӯз беш аз 2000 оилаи эҳтиёҷманд соҳиби замин гардидааст. Дар ин самт Комиссияи ҷамъиятии назди мақомоти маҳаллӣ барои роҳ надодан ба камбудӣ дар тақсими замин ҳуҷҷатҳои пешниҳоднамудаи шаҳрвандонро аз назар гузаронида, мувофиқи қонунҳои амалкунандаи ҶТ ба оилаҳои ниёзманд замин ҷудо менамояд. Инчунин кормандони соҳаи фарҳанг, маориф, тандурустӣ, афсарони қисмҳои низомӣ низ бо замини манзилӣ таъмин карда мешаванд. Мувофиқи лоиҳа дар заминҳои ҷудогардида сохтмони мактабҳо, бунгоҳҳои тиббӣ, мағоза ва дигар иншооти зарурӣ роҳандозӣ мешавад.