Афзоиши маҷмӯи маҳсулоти дохилӣ

Кӯлоб, 17 январ. (АМИТ «Ховар», Ф. Мадаминов). – Дар шаҳри Кӯлоб маҷмӯи маҳсулоти дохилӣ ба 465 миллиону 306 ҳазор сомонӣ баробар шуд, ки ин нишондод нисбат ба соли гузашта 82 миллиону 71 ҳазор сомонӣ зиёд аст. Дар ин муддат дар бахшҳои мухталифи хоҷагии халқ 3 070 ҷойи нави корӣ таъсис дода ва 12 маротиба ярмаркаи ҷойҳои кории холӣ гузаронида шуд, 162 нафар шаҳрванд ба ташкилоту муассисаҳои шаҳр роҳхат гирифтанд. Ҳукумати шаҳр ният дорад, ки дар соли нав дар ин самт корҳои боз ҳам бештарро анҷом диҳад.