Ба фаъолияти муассиса халал ворид нашуд

Душанбе, 6 январ.(АМИТ «Ховар», Марзия Саидова).- Бо қатъ гардидани интиқоли гази табиӣ аз ҷониби Ӯзбекистон, ки муддати ду рӯз ҷараён гирифт, ба фаъолияти Муассисаи давлатии коммуналии «Душанбенақлиётхадамотрасон» халал ворид нагардид. Алҳол 186 нақлиёти муассисаи мазкур, ки тавассути гази табиӣ ҳаракат менамоянд, дар асоси реҷаи корӣ дар хатсайрҳои гуногун ба мусофирон хизмат мерасонанд. Аз 186 адад воситаи нақлиёт 75 тоашро автобус ва 111 ададашро микроавтобус ташкил медиҳад, мегӯяд Абдуҳомид Шералиев, директори Муассисаи давлатии коммуналии «Душанбенақлиётхадамотрасон». Мавсуф афзуд, ки реҷаи кори нақлиёти мусофиркашонӣ дар муассисаи мазкур аз соати 5. 30-дақиқаи субҳ то 23.30 дақиқаи шаб ба роҳ монда шудааст.