Баррасии 118 ҳазору 981 парванда дар як сол
Душанбе, 9 январ. АМИТ «Ховар», Лаззат Диловарзод).- Имрӯз дар Шӯрои адлияи ҷумҳурӣ нишасти матбуотӣ доир ба ҷамъбасти соли 2011 баргузор гардид. Раиси Шӯрои адлия Зафар Азизов доир ба натиҷаҳои ҷамъбасти фаъолияти Шӯрои адлия ва судҳои ҷумҳурӣ дар соли 2011 ба намояндагони васоити ахбори омма маълумот пешниҳод намуд. Ба гуфти Зафар Азизов, дар соли сипаригардида аз ҷониби судҳои ҷумҳурӣ 118 ҳазору 981 адад парвандаи ҷиноятӣ, шаҳрвандӣ, оилавӣ, маъмурӣ ва иқтисодӣ баррасӣ гардид, ки нисбат ба давраи соли 2010 22 ҳазор адад зиёд мебошад. Раиси Шӯрои адлия фаъолияти судҳои ҷумҳуриро дар соли 2011 аз рӯи маблағҳои боҷи давлатӣ, ҷарима ва дигар зарарҳои ба давлат расонидашуда баҳо дода иброз дошт, ки маблағи умумии рӯёнидашуда 89 млн. 719 ҳазору 709 сомонӣ, 147 ҳазору 796 доллари ИМА ва 15 ҳазору 133 рубли русиро ташкил дод, ки ҳамаи он ба буҷаи давлат ворид гардид. Аз ҷониби роҳбарияти Шӯрои адлия дар давоми соли 2011 583 нафар ва аз тарафи раисони судҳои ҷумҳурӣ 3963 нафар шаҳрванд вобаста ба арзу шикоятҳо қабул ва масъалаҳои пешниҳоднамудаи онҳо ҳал гардиданд. Муҳимаш он аст, ки дар соли 2011 ягон нафар судя бо ҷинояти коррупсионӣ дастгир ва аз вазифа сабукдӯш нашудааст. Шояд сад фоиз зиёд намудани маоши кормандони мақомоти судӣ дар соли ҷорӣ боиси ба ришваситонӣ даст назадани онҳо шуда бошад. Ба ҳар навъ, дар соли 2011 судяҳои шаҳру навоҳии кишвар шаъну шараф ва покии виҷдонашонро миёни дигар мақомот нишон дода тавонистанд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






