«Барселона» — «Реал»: мусовӣ ба манфиати «Барса»

Душанбе, 26 январ. ( АМИТ «Ховар», Аловиддин Бӯриев).- Дар идомаи бозиҳои ¼ ниҳоии ҷоми Испания дар дидори баргашти дастаҳои «Реал» ва «Барселона» натиҷаи мусовии 2 бар 2 ба даст омад. Ин мусовӣ ба дастаи «Барселона», ки дар вохӯрии аввал бо натиҷаи 2 бар 1 пирӯз шуда буд, роҳро ба бозиҳои нимниҳоӣ боз кард. Голҳоро дар ин вохӯрӣ Педро Родригес ва Дани Алвес аз «Барселона», Криштиан Роналду ва Карим Бензема аз «Реал» заданд.