Беҳтаринҳои футболи тоҷик дар соли 2011

Душанбе, 4 январ. (АМИТ «Ховар», Аловиддин Бӯриев).- Федератсияи футболи мамлакат охири соли куҳан беҳтарин футболбозону мураббиёнро дар мавсими соли 2011 эълон кард. Хуршед Маҳмудов нимҳимоятгари дастаи мунтахаби миллии Тоҷикистон ва “Регар-ТадАЗ”-и Турсунзода беҳтарин бозингари сол дониста шуд. Алишер Тӯйчиев, дарвозабони дастаи «Истиқлол»-и Душанбе ва тими мунтахаби миллии Тоҷикистон беҳтарин дарвозабони сол, Маъруф Рустамов, узви дастаи «Равшан»-и Кӯлоб- беҳтарин ҳимоятгар, Хуршед Маҳмудов-беҳтарин нимҳимоятгар ва Юсуф Рабиев, ҳамлагари дастаи «Истиқлол»-и Душанбе беҳтарин ҳамлагар эътироф шуданд. Юсуф Рабиев инчунин бо 32 гол беҳтарин нишонзани мусобиқот, Маъруф Рустамов беҳтарин мураббии сол, Раҳмон Муртазоев- беҳтарин довар ва Одил Каримов аз дастаи «Энергетик»-и Душанбе- беҳтарин мураббии бачагона эътироф гардиданд. Байни бонувон Мадина Фозилова, узви дастаи «Ласточка»-и Душанбе беҳтарин бонуи бозингар эълон ва миёни бозингарони футзал Шерзод Ҷумъаев, узви дастаи «Вавилон»-и Душанбе беҳтарин бозингар ва Дамир Камолиддинов беҳтарин мураббӣ дар соли 2011-ум дониста шуданд.