Боз беш аз 213 кг маводи нашъаовар нобуд карда мешавад

Душанбе, 5 январ. (АМИТ «Ховар», Лутфия Эшонқулова). – Имрӯз, 5 январ, дар Агентии назорати маводи нашъаовари назди Президенти ҶТ маросими нобудсозии навбатии маводи нашъаовар сурат мегирад. Назар ба хабари маркази матбуоти Агентии назорати маводи нашъаовар, дар ҳузури комиссия аз ҷумлаи намояндагони мақомоти ҳифзи ҳуқуқ ва адлия, намояндагони ВАО ватанию хориҷӣ мувофиқи тартиби муқарраршуда 213 килограмму 209,9 грамм маводи нашъаовар, ки ҳукми додгоҳ аз рӯи онҳо эътибори қонунӣ пайдо кардааст, дар кӯраи махсус сӯзонида мешавад.