Боз як корхонаи нав дар ноҳияи Ваҳдат

Душанбе, 5 январ. (АМИТ «Ховар», Кристина Эрлих ). – Тавре дар Вазорати энергетика ва саноати ҶТ ба хабарнигори АМИТ «Ховар» иттилоъ доданд, вақтҳои наздиктарин дар ноҳияи Ваҳдат корхонаи нави ҷӯробу пайпоқбофӣ кушода мешавад.Мувофиқи суханони манбаъ, ҳоло дар корхона таҷҳизоти зарурии технологӣ васл мегардад. Корхонаи нав дар давоми як сол 400 ҳазор ҷуфт ҷӯробу пайпоқ мебарорад. Барои истеҳсоли маҳсулот калобаи пахтагини истеҳсоли ватанӣ истифода мешавад.Корхона бо истифода аз маблағҳои соҳибкорони тоҷик ва ҳамкасбони туркиягӣ бунёд мегардад. Дар оянда, дар корхона коргоҳи дӯзандагӣ роҳандозӣ хоҳад шуд.Қобили зикр аст, ки ҳар сол дар ҷумҳурӣ 6 миллион ҷуфт ҷӯробу пайпоқ тавлид мешавад. Дар ҳоли ҳозир эҳтиёҷоти солонаи кишвар ба ин маҳсулот 50 миллион ҷуфтро ташкил дода, ҳамзамон қисми зиёди ҷӯробу пайпоқ ба хориҷа фиристода мешавад.