Бунёди бозори замонавӣ дар Зарафшон

Душанбе, 31 январ.(АМИТ «Ховар», Марзия Саидова).- Ҷамъияти дорои масъулияташ маҳдуди /ҶДММ/ «Строй комплекс» дар маҳаллаи Зарафшони пойтахт бозори замонавӣ месозад. Дар ин бора Маҳмадсаид Убайдуллоев, Раиси шаҳри Душанбе қарор ба имзо расонд. Тибқи он барои сохтмони бозор дар маҳаллаи Зарафшон 1,5 гектар замин ҷудо карда мешавад. ҶДММ «Строй-Комплекс» баъди дастрас намудани сертификати ҳуқуқи истифодаи замин, иҷозатномаи Бозрасии назорати давлатии меъморию сохтмонии Сарраёсати меъморӣ ва шаҳрсозии шаҳри Душанбе ба сохтмони бозори муосир шурӯъ менамояд. Тибқи қарор дар мавриди аз ҷониби ҶДММ «Строй-Комплекс» дар давоми се сол шурӯъ накардани сохтмони бозор ҳуқуқи истифодаи қитъаи замин қатъ мегардад.