Бунёди зинабоғҳо дар ноҳияҳои кӯҳистон

Душанбе, 20 январ. (АМИТ «Ховар», Лаззат Диловарзод).- Бино ба маълумоти Пажӯҳишгоҳи хокшиносии Академияи илмҳои кишоварзӣ, бо мақсади самаранок истифода бурдани заминҳои нишебиашон аз 5 то 25 дараҷадор ташкил медиҳад, бо усули зинабоғ боғҳои мевадиҳанда бунёд карда мешаванд. Чунин боғҳо аллакай дар масоҳати як гектарӣ дар ноҳияҳои Мӯъминободу Шӯрообод бунёд шудаанд. Дар ин боғҳо барои нигоҳ доштани намии хок аз усули рӯйпӯшкунии хоки байни қаторҳои токзор истифода карда мешавад, ки ба афзудани ҳосили он мусоидат мекунад. Дар ноҳияи Ҷиргатол дар майдони як гектар чунин боғи мевадиҳанда бунёд шудааст.Бо тавсияи олимон бо усули рӯйпӯшкунии хоки байни қаторҳои ангур бо маводи маҳаллӣ, аз ҷумла коҳу алафҳои худрӯй, қаламчаҳои навдаи ток, ки намиро зиёд нигоҳ медоранд, дар ноҳияи Файзобод боғи ангур бунёд шуд. Ҳосилнокии ангури ин гуна боғҳо аз як гектар аз 30ба 100 сентнерӣ расонида шуд, ки ин самараи таҷрибаи нав дар кори олимони тоҷик аст.