Чоҳҳои нафту газ барқарор карда мешаванд

Душанбе, 13 январ. (АМИТ «Ховар», Кристина Эрлих ). – Мутахассисони соҳаи нафту гази Корхонаи воҳиди давлатии «Нафту газ ва ангишт» — и Вазорати энергетика ва саноати ҶТ тасмим гирифтаанд, ки соли ҷорӣ дар ноҳияи Балҷувони вилояти Хатлон чоҳҳои нафту газро аз нав барқарор намоянд.Тавре дар Корхонаи воҳиди давлатии «Нафту газ ва ангишт» ба хабарнигори АМИТ «Ховар» иттилоъ доданд, бояд чоҳҳои нафту гази кони «Бештентоқ» тармиму таҷдид карда шаванд. Ҳоло дар он ҷо 3 чоҳи нафт ва 1 чоҳи газ мавриди истифода қарор доранд.