Дар ДМТ мактаби зимистона кушода мешавад

Душанбе, 12 январ. (АМИТ «Ховар», Людмила Дубинина). – Факултаи забону адабиёти русии Донишгоҳи миллии Тоҷикистон ва Ҷамъияти «Дӯстии Тоҷикистону Русия» аз 23 то 30 январ дар Маркази русии Бунёди «Ҷаҳони рус» — и ДМТ мактаби зимистонаи такмили ихтисоси муаллимони забону адабиёти русро мекушоянд.Ба барномаи маърифатӣ ва нақшаи таълимии мактаби зимистона чунин мавзӯъҳо, аз қабили проблемаҳои мубрами таълими забони русӣ дар факултаҳои ғайрирусӣ, хусусияти таълими адабиёти русӣ ва хориҷӣ, проблемаҳои услуби таълими забону адабиёти русӣ дар синфҳои ғайрирусӣ, хусусияти типологияи муқоисавии забонҳои русӣ ва тоҷикӣ, проблемаҳои назарияю амалияи тарҷума, дохил карда шудаанд. Аз рӯи натиҷаи омӯзиши барномаи маърифатии мактаб ба шунавандагони онҳо тасдиқномаҳо дар бораи таҷрибаомӯзӣ дода шуда, маводи семинари методӣ дар маҷмӯаи донишгоҳ дарҷ мегардад. Дар ин бора роҳбари Маркази забони русии ДМТ ва мактаби зимистона, декани факултаи забону адабиёти русӣ профессор Меҳринисо Нағзибекова хабар дод.