Дар Душанбе беш аз 8 кг маводи нашъаовар мусодира шуд

Душанбе, 9 январ. (АМИТ «Ховар», Лутфия Эшонқулова). – 8 январ кормандони мақомоти ҳифзи ҳуқуқи Тоҷикистон дар шаҳри Душанбе беш аз 8 килограмм маводи нашаъаоварро мусодира намуданд. Мувофиқи маълумоти маркази матбуоти Вазорати корҳои дохилии ҷумҳурӣ, дар ҷараёни амалиёти фаврӣ дар ҳудуди вокзали пойтахт аз автомобили тамғаи «ВАЗ – 1124» — сокини 27 – солаи ноҳияи Ҳамадонӣ 8 килограмму 36 грамм тарёк пайдо гардид. Аз рӯи ин ҳодиса парвандаи ҷиноӣ кушода, тафтишот идома дорад.