Дар шимоли кишвар низоми таъмини об барқарор мешавад

Душанбе, 24 январ. (АМИТ «Ховар», Кристина Эрлих). – Лоиҳаи барқарорсозии низоми корезу обрасонии шаҳру ноҳияҳои шимоли Тоҷикистон дар чаҳорчӯбаи Шартномаи байни Ҳукумати ҶТ ва Бонки аврупоии бозсозӣ ва тавсеъа дар амал татбиқ мешавад. Аз корхонаи воҳиди давлатии «Хоҷагии манзилию коммуналӣ» дар ин бора ба АМИТ «Ховар» хабар доданд.Мувофиқи суханони манбаъ, лоиҳаи мазкур чунин шаҳру ноҳияҳоро, аз қабили Чкалов, Бобоҷон Ғафуров, Қайроққум, Конибодом, Исфара ва Хоруғ, фаро мегирад. Маблағи умумии лоиҳа беш аз 22 миллион доллари ИМА – ро ташкил медиҳад. Барои иҷрои корҳо ҷиҳати асосноккунии техникию иқтисодии лоиҳа дар ноҳияҳои таҷрибавӣ ширкати «Хифаб» — и Швейтсария даъват шуда буд, ки мутахассисони он аллакай ба татбиқи лоиҳа шурӯъ кардаанд.