Дастаи мунтахаби ҷавонон тайёриро оғоз кард
Душанбе, 9 январ. ( АМИТ «Ховар», Аловиддин Бӯриев).- Дирӯз дастаи футболи мунтахаби ҷавонони кишвар омодагии худро барои бозиҳои Ҷоми Иттиҳоди Давлатҳои Мустақил дар шаҳри Норак оғоз кард. Агар солҳои пешин дастаҳои чемпион дар ин мусобиқа ширкат меварзиданд, пас масъулин ба хулоса омаданд, ки беҳтар аст дастаҳои мунтахаби ҷавонон дар он ширкат намоянд. Дар мусобиқаи мазкур, ки аз 19-ум то 29-уми январ дар толорҳои варзишии шаҳри Санкт-Петербурги Русия мегузарад, дастаҳои мунтахаби ҷавонони 11 кишвари ҷомеаи маштаракулманофеъ ва инчунин тими мунтахаби ҷавонони Эрон ширкат меварзанд. Футболбозони ҷавони тоҷик дар гурӯҳи “С” бо дастаҳои мунтахаби ҷавонони Беларус, Литва ва Эрон рақобат хоҳанд кард. Бозии даста рӯзи 20-уми январ бо тими Литва, 21-уми январ бо дастаи Беларус ва 23-юми январ бо тими Эрон сурат мегирад.Ба гурӯҳи “А” дастаҳои Русия, Қазоқистон, Эстония, Туркманистон ва ба гурӯҳи “B” тимҳои Украина, Молдова, Қирғизистон ва Латвия шомиланд.Дастаи мунтахаби Тоҷикистонро Салоҳиддин Ғафуров ба ҳайси сармураббӣ ба бозиҳо омода мекунад. Футболбозони тоҷик рӯзи 17 январ ба шаҳри Санкт-Петербург сафар хоҳанд кард








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






