Душанбе дар хориҷа меъмор омода месозад
Душанбе, 24 январ.(АМИТ «Ховар», Марзия Саидова).-Шаҳрдории Душанбе тасмим дорад, ки бо мақсади омода намудани мутахассисони варзида дар бахши меъморию шаҳрсозӣ ба донишкадаҳои меъмории Русия, Украина ва кишварҳои аврупоӣ 8 нафар ҷавонон-хатмкунандагони мактабҳои таҳсилоти умумии пойтахтро фиристад. Масъалаи мазкур дар ҷаласаи шаҳрдорӣ, ки таҳти раёсати Маҳмадсаид Убайдуллоев, Раиси шаҳри Душанбе бо ҳузури роҳбарони сохторҳои шаҳрию раисони комиссияҳои доимии Маҷлиси вакилони халқи шаҳри Душанбе баргузор гардид, баррасӣ шуд. Назар ба иттилои Шавкат Саидов, котиби матбуотии Раиси шаҳри Душанбе ин тадбир бо мақсади омода намудани кадрҳои ҷавон аз рӯи ихтисоси меъмор-рангшинос ва меъмори манзарашинос, ки феълан пойтахт ба ин гуна мутахассисон ниёзи бештар дорад, андешида шудааст. Дар робита ба ин муқаррар гардид, ки шаҳрдорӣ омодааст, то роҳкирои донишҷӯёни ояндаро тӯли таҳсил соле як маротиба пардохт намояд.








Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд






