Эстония вуруди Тоҷикистонро ба Созмони ҷаҳонии савдо пуштибонӣ мекунад

Душанбе, 13 январ. (АМИТ «Ховар», Дилшодаи Хайруллоҳ).-12 январ Президенти Ҷумҳурии Тоҷикистон Эмомалӣ Раҳмон Вазири корҳои хориҷии Эстония Урмас Паэтро, ки бо сафари расмӣ дар шаҳри Душанбе қарор дорад, ба ҳузур пазируфт.Зимни сӯҳбат бо хабарнигорон Урмас Паэт зикр намуд, ки дар мулоқот бо сарвари кишвар масоили сиёсӣ, тиҷоратию иқтисодӣ ва илмию фарҳангии ҳамкориҳои ҳар ду кишвар баррасӣ шуданд.Ба қавли ӯ сафари расмии Президенти Тоҷикистон Эмомалӣ Раҳмон ба Эстония дар соли 2009 ба рушди муносибатҳои дуҷониба таъсири ҷиддӣ расонид.Урмас Паэт нақши Тоҷикистонро дар барқарорсозии иқтисодиёти Афғонистон, аз ҷумла дар ҳамкорӣ ҷиҳати ҳамлу нақли борҳои Қувваҳои байналмилалии амнияту ҳамкорӣ муҳим арзёбӣ намуд.Вай ҳамчунин изҳор дошт, ки Эстония омода аст бо Тоҷикистон дар соҳаи бонкӣ, масоили ҳифзи марзҳои давлатӣ ва дигар самтҳои муҳим ҳамкорӣ намояд.Тибқи суханони Урмас Паэт миёни ду кишвар самтҳои ояндадори ҳамкориҳое, ки то ҳанӯз татбиқ нашудаанд, вуҷуд доранд. Урмас Паэт ҳамчунин зикр кард, ки Эстония омода аст Тоҷикистонро дар масъалаи ворид шудан ба Созмони ҷаҳонии савдо пуштибонӣ намояд.