Гулнора Ҳасанова бо медали ҷашнӣ сарфароз гашт
Душанбе, 5 декабр. (АМИТ «Ховар», Покиза Маҳмадбекова). — Раиси Раёсати Бонки давлатии амонатгузории (БДА) Ҷумҳурии Тоҷикистон «Амонатбонк» Гулнора Ҳасанова барои хизматҳои шоиста аз тарафи Котиботи генералии СҲШ, ки дар айни замон Ҷумҳурии Қазоқистон раёсати онро ба зимма дорад, бо медали ифтихорӣ ва ҷашнии «10 солагии Созмони Ҳамкориҳои Шанхай» мукофотонида шуд. БДА ҶТ «Амонатбонк» намояндагии Ҷумҳурии Тоҷикистонро дар Иттиҳодияи байнибонкии СҲШ чанд сол инҷониб ба ӯҳда дорад. Дар тӯли солҳои намояндагии «Амонатбонк» ҳамкориҳо дар доираи созмони мазкур рушд ва вусъати тоза гирифта, як идда корҳои назаррас бо мамолики аъзои ин созмон рӯи кор омаданд. Аз ҷумла, ҳамкориҳо бо ташкилоти молиявии Ҷумҳурии Мардумии Чин – Бонки давлатии рушди Чин дар чанд соли охир хуб ва самарабахш мебошад. Маҳз тавассути ҳамкориҳо дар доираи СҲШ имрӯз як зумра лоиҳаҳо барои сармоягузорӣ дар соҳаҳои муҳими хоҷагии халқи ҷумҳурӣ татбиқ мешаванд. Қисмати муҳим ва назарраси ин лоиҳаҳо тавассути «Амонатбонк» дар кишвар амалӣ мегарданд.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
