Гузариш ба хизматрасониҳои муосир — тақозои замон
Душанбе, 4 декабр. (АМИТ «Ховар», Покиза Маҳмадбекова). — Гузариш ба хизматрасониҳои муосири бонкӣ, ҷорӣ намудани шаклҳои пешқадами фаъолият, таъмини шаффофият ва соддагардонии коргузориҳо аз мақсадҳои аввалиндараҷаи Бонки давлатии амонатгузории Ҷумҳурии Тоҷикистон «Амонатбонк» мебошад. Имрӯз даври сеюми Барномаи гузариш- «Пардохти нафақа тавассути кортҳои бонкӣ» оғоз гардид, ки нафақагирони шаҳрҳои Норак, Ваҳдат, Ёвон, Турсунзода, Хуҷанд, Исфара, Табошар, Истаравшан ва Хоруғ ба ин шакли наву замонавии пардохт мегузаранд.Тибқи иттилои идораи кортҳои бонкии БДА ҶТ «Амонатбонк» кортҳои плостикӣ барои ҳамаи нафақагирони шаҳрҳои мазкур омодаанд ва теъдоди зарурии терминалҳои пардохтӣ насбу таъмин шудаанд.Шумораи нафақагирони дорандаи кортҳои бонкӣ аз 59 ҳазор нафар дар даври сеюм ба 168 ҳазор нафар расид, ки теъдоди умумии нафақагирони бо корт таъминшуда зиёда аз 100 ҳазорро ташкил медиҳад. Шумораи умумии терминалҳои пардохтии насбгашта дар саросари ҷумҳурӣ 164 ададро ташкил дода, 81 адади дигар барои насбу истифода омодааст, ки теъдоди умумии онҳо 245 ададро ташкил медиҳад.Раёсат ва сохторҳои Амонатбонк дар баробари ин барои иттилоърасонӣ ба аҳолӣ ҷиҳати истифодаи кортҳои бонкӣ корҳои зиёдро, аз қабили паҳн намудани буклету овезаҳои иттилоотӣ, пахши роликҳои тарғиботӣ ва аз ҳисоби кормандони бонк ташкили гурӯҳҳои фаҳмондадиҳӣ амалӣ менамоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






