Иҷлосияҳои иттилоотӣ дар Хуҷанд

Душанбе, 31 январ. (АМИТ «Ховар», Покиза Маҳмадбекова). – Дар ҳошияи лоиҳаи «Муносибати ҳамгироёна ба рушди корхонаҳои хурду миёнаи Осиёи Марказӣ оид ба коркарди чормағз, меваи хушк ва асал» аз 6 то 9 феврал дар шаҳри Хуҷанди вилояти Суғд дар мавзӯи «Савдои сайёри чормағз, меваи хушк ва асал» ду иҷлосияи иттилоотӣ баргузор мешавад.Тавре дар Ассосиатсияи миллии тиҷорати хурду миёнаи ҶТ ба АМИТ «Ховар» хабар доданд, ин лоиҳа аз ҷониби намояндагии Hilfswerk Austria international — и Австрия дар Тоҷикистон пайваста бо ҳамкорӣ бо Ассосиатсияи миллии тиҷорати хурду миёнаи ҶТ ва дастгирии молиявии Иттиҳоди Аврупо дар амал татбиқ карда мешавад.