Иҷрои қонун ҳатмист

Файзобод. 18 январ. (АМИТ «Ховар», Зебо Давлатова). – Тавре Сардори ШКД – и ноҳияи Файзобод полковник Нуралӣ Одинаев ба хабарнигори АМИТ «Ховар» иттилоъ дод, давоми соли 2011 кормандони ШКД якҷоя бо намояндагонии мақомоти маҳаллии ҳокимияти давлатӣ дар нуҳ ҷамоати деҳот ва ҷамоати шаҳраки ноҳия ҷиҳати иҷрои қонуни Ҷумҳурии Тоҷикистон «Дар бораи масъулияти падару модар дар таълиму тарбияи фарзанд» бо сокинони деҳот ва кормандони мактабҳо маҷлису ҷамъомадҳо ташкил намуданд.Нуралӣ Одинаев, ҳамчунин иброз дошт, ки иҷрои қонуни мазкур аз ҳар як шаҳрванд ахлоқи хамида ва тартибу низомро талаб менамояд, ки иҷрои он ҳатмист.