Ифтитоҳи китобхонаю осорхонаҳо дар навоҳии кишвар

Душанбе, 20 январ. (АМИТ «Ховар», Дилшодаи Хайруллоҳ). – «Дар соли гузашта аз аҳолӣ 135 адад нигора ба маблағи 38 630 сомонӣ харида шуда, 16 адад нигора ба тариқи тӯҳфа эҳдо гардид. Осорхонаи таърихию кишваршиносии кишвар бо 80 нигораи этнографӣ, 5 мусаввара, 11 адад дастхат, 15 нигораи таърихию бостоншиносӣ мукаммал гардид. Намоишгоҳҳо дар мавзӯъҳои «Нигораҳои замони Рӯдакӣ», «Аз Кӯшониён то Сомониён» ва «Ҷалолиддини Румӣ ва осори безаволи ӯ» доир шуданд»- иттилоъ доданд масъулини Вазорати фарҳанги ҶТ имрӯз зимни нишасти матбуотӣ.Хамчунин зикр гардид, ки дар маркази вилояти Хатлон сохтмони биноҳои нави китобхона ва осорхонаи вилоятӣ идома дошта, дар ноҳияҳои Бохтару Ховалинг биноҳои нави қасрҳои фарҳанг, дар ҷамоати деҳоти Сари Хосори ноҳияи Балҷувон бинои китобхона ва осорхона, дар шаҳри Турсунзода бинои китобхона ва осорхона, дар ноҳияи Файзобод бинои нави осорхонаи таърихию кишваршиносӣ ифтитоҳ ёфтанд.