Имзои Созишномаи нав бо кишвари ҳамсоя
Душанбе, 6 январ.(АМИТ «Ховар», Марзия Саидова).- Зимни сафари ҳайати ҳукуматии Тоҷикистон ба Ӯзбекистон таҳти роҳбарии Муродалӣ Алимардон, муовини Сарвазири ҷумҳурӣ дар Тошканд Созишномаи нав оид ба интиқоли гази табиӣ ба Тоҷикистон байни «Тоҷиктрансгаз» ва «Узтрансгаз» ба имзо расид. Дар ин хусус ба АМИТ «Ховар» аз «Тоҷиктрансгаз» иттилоъ доданд. Дар асоси Созишномаи мазкур нархи нави интиқоли гази табиӣ аз Ӯзбекистон ба Тоҷикистон тасдиқ шуд, ки тибқи он кишвари ҳамсоя ҳазор метри мукааб газро ба Тоҷикистон ба маблағи 285 доллар хоҳад фурӯхт. Қаблан он 311 доллар муайян гардида буд. Интизор меравад, ки Ӯзбекистон дар соли 2012 ба Тоҷикистон то 200 миллион метри мукаааб гази табиӣ интиқол диҳад. Бояд зикр кард, ки Ӯзбекистон бе огоҳии пешакӣ 4 январи соли равон интиқоли гази табииро ба Тоҷикистон қатъ намуда буд.
Пагоҳ дар якчанд вазорату идора нишасти матбуотӣ баргузор мегардад
Дар «Офтобак»-и шаҳри Норак 100 кӯдак ба истироҳат фаро гирифта шуданд
Имрӯз дар водиҳои Тоҷикистон ҳаво то 41 дараҷа гарм мешавад
Имрӯз дар шаҳри Душанбе ҳаво то 38 дараҷа гарм мешавад
Навгониҳои электронӣ дар самти рақамикунонии хизматрасониҳои андоз муаррифӣ гардид
Имсол Рӯзҳои фарҳанги Ҷумҳурии Тоҷикистон дар Узбекистон, Давлати Қатар, Беларус ва Қирғизистон доир гардиданд
Имрӯз дар водиҳои Тоҷикистон ҳаво то 38 дараҷа гарм мешавад
