Иштироки хонандагон дар олимпиадаҳои мактабӣ

Кӯлоб, 3 январ. (АМИТ «Ховар», С.Холов ). – Бино ба иттилои мудири шӯъбаи маорифи ноҳияи Мӯъминобод Саъдулло Раҳимов, иштироки хонандагони муассисаҳои таълимии ноҳия дар озмун ва олимпиадаҳои ноҳиявӣ, вилоятӣ ва ҷумҳуриявӣ фаъол аст. Хонандагони муассисаҳои таълимии ноҳия даври якум ва дуюми олимпиадаи мактабиро бомуваффақият ҷамъбаст намуда, 41 нафар хонанда барои иштирок дар даври сеюми олимпиадаи вилоятӣ роҳхат гирифтанд.Инчунин дар олимпиадаи байналмилалӣ 62 хонандаи муассисаҳои таълимӣ иштирок карда, дар даври ҷамъбастӣ хонандаи синфи 9 – уми мактаби таҳсилоти миёнаи умумии № 50 Ҷамшеди Хайрулло бо дарёфти 100 хол сазовори медали тилло гардид.