Истифодаи самараноки китобхонаи электронӣ дар Донишкадаи иқтисодӣ

Январь 25, 2012 15:19

Душанбе, 25 январ. (АМИТ «Ховар, Раъно Нусратуллоева»).- Дар давоми соли сипаригардида устодони донишкада 17 монографияи илмӣ, 8 китоби дарсӣ, 11 дастури методӣ, 13 васоити таълимӣ, 170 барномаи таълимӣ ва теъдоди зиёди мақолаҳои илмиро дар маҷаллаҳои бонуфузи ватанию хориҷӣ ба чоп расониданд,- иброз дошт зимни нишасти матбуотӣ ректори Донишкадаи иқтисодии Тоҷикистон Нозимҷон Нидоев.Дар донишкада дар соли 2011 237 нафар устод фаъолият намуданд, ки 82 нафарашон дорои дараҷаи илмиянд. Ҳоло дар Донишкадаи иқтисодии Тоҷикистон 18 нафар доктори илм ва 64 нафар номзади илм, ки 15 нафари онҳо занҳо мебошанд, барои пешбурди раванди таълим ҷалб шудаанд. Соли ҷорӣ дар назди кафедраи забонҳои донишкада бо мақсади омӯхтани забонҳои хориҷӣ ташкили курсҳои кӯтоҳмуддати забономӯзӣ ба нақша гирифта шудааст. Китобхонаи электронии донишкада аз ҷониби донишҷӯён самаранок истифода мешавад. Дар соли 2011 ба захираи китобхонаи электронӣ 200 китоби дарсӣ, тахассусӣ ва илмию методӣ, инчунин матни маърӯзаҳо аз тамоми фанҳои таҳсилӣ ворид карда шуданд. Ҳамзамон дар ин давра 59 компютер, як адад дастгоҳи чопи бисёрвазифавӣ, 20 адад принтер, дастгоҳи табъу нашр ва дигар технологияи муосири таълим ба маблағи зиёда аз 290 ҳазор сомонӣ харида шудааст.

Январь 25, 2012 15:19

Хабарҳои дигари ин бахш

Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд