Кӣ ба курсии вакилӣ менишинад?
Душанбе, 16 январ.(АМИТ «Ховар», Марзия Саидова).-Масъалаи пеш аз мӯҳлат қатъ гардидани ваколати вакили Маҷлиси намояндагони Маҷлиси Олии Ҷумҳурии Тоҷикистон Ҳаёт Одинаев дар ҷаласаи навбатии Шӯрои палатаи поёнии парлумони мамлакат, ки 16 январ таҳти раёсати Шукурҷон Зуҳуров, раиси Маҷлиси намояндагон баргузор шуд, баррасӣ гардид. Усмон Солеҳ, мудири шӯъбаи таблиғот, иттилоот ва матбуоти ҲХДТ гуфт, ки тибқи рӯйхати ҳизбӣ намояндаи ҲХДТ Абдураҳмон Хонов аз ҳавзаи якмандатии умумиҷумҳуриявӣ бидуни баргузории интихобот дар курсии вакили палатаи поёнии парлумони мамлакат менишинад. А. Хонов сардори бахши тарбияи ватанпарастии Кумитаи ҷавонон, варзиш ва сайёҳии назди ҳукумати ҷумҳурӣ мебошад. Бояд зикр кард, ки Ҳаёт Одинаев 10 январи соли равон бо Қарори Ҳукумати Ҷумҳурии Тоҷикистон ректори Донишгоҳи миллии Тоҷикистон таъин гардид. Назар ба иттилои Муҳаммадато Султонов, котиби матбуотии палатаи поёнии парлумони мамлакат дар ҷаласа инчунин Созишнома дар бораи мубодилаи иттилоот дар соҳаи мубориза бар зидди ҷинояткорӣ, Конвенсияи эътирофи асноди тахассусҳои таҳсилоти олӣ дар минтақаи Аврупо ва Созишнома байни Ҳукумати Ҷумҳурии Тоҷикистон ва Ҳукумати Герсогии Бузурги Люксембург оид ба алоқаи ҳавоӣ баррасӣ шуданд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






