КБСС тасмим дорад ба маҳбусон ёрӣ расонад
Душанбе, 24 январ.(АМИТ «Ховар», Марзия Саидова).-Намояндагии Кумитаи байналмилалии Салиби Сурх /КБСС/ тасмим гирифтааст, ки дар соли равон тавассути барномаҳои худ ба маҳбусон ва наздикону пайвандони онҳо ва оилаҳои шахсони беному нишоншуда ёрии моддӣ расонад. Ин нуктаро хонум Северин Шаппаз, роҳбари намояндагии КБСС дар Тоҷикистон зимни мулоқоташ бо муовини аввали Раиси Маҷлиси намояндагон Амиршо Миралиев зикр кард. Хонум Северин ҳамзамон афзуд, ки намояндагии КБСС фаъолияти худро ба созмондиҳии семинар ва сӯҳбати мизҳои гирд бо намояндагони васоити ахбори омма, сохторҳои қудратии Тоҷикистон, инчунин дар заминаи расонидани кӯмакҳои башардӯстона мутамарказ менамояд, ҳамзамон фаъолияти дафтарҳои намояндагии КБСС –ро дар минтақаҳои Кӯлобу Ишкошим, ва Рашту Суғд тақвият мебахшад. Хонум Северин Шаппаз таъкид кард, ки ба ҳайси роҳбари намояндагии КБСС дар Тоҷикистон зимни фаъолияташ аз тамоми имконот ва дониши худ ҷиҳати тақвияти робитаҳои ин ниҳоди байналмилалӣ бо Тоҷикистон истифода хоҳад кард. Бояд зикр кард, ки хонум Северин Шаппаз қаблан дар ин вазифа дар кишварҳои африқоӣ, инчунин дар Қирғизистону Ӯзбекистон ва Швейтсария фаъолият намудааст.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






