Китоби нави таҳлилӣ оид ба фаъолияти Сарвари давлат

Душанбе, 5 январ. (АМИТ «Ховар», Дилшодаи Хайруллоҳ). Ба истиқболи 15- умин солгарди Ваҳдати миллии кишвар дар нашриёти «Контраст» -и пойтахт бо номи  «Сиёсати давлатии Президент Эмомалӣ Раҳмон ва рушди устувори Тоҷикистон»  ([attachment=8]) китоби таҳлилии мушовири калони Сарвари давлат Зафар Сайидзода ва корманди масъули Вазорати корҳои хориҷии ҷумҳурӣ Фаридун Саидов аз чоп баромад.Муаллифон сиёсати дохилӣ ва хориҷии Сарвари давлати Тоҷикистонро дар тӯли 19 соли охир мавриди таҳқиқ қарор додаанд.Дар пешгуфтори китоб тазаккур ёфтааст, ки дар тӯли ин ҳама солҳои сарварӣ ба ҷумҳурӣ Эмомалӣ Раҳмон, ба ҷуз роҳбари сиёсӣ будан, ба мураббӣ ва муаллими ҷомеаи кишвар табдил ёфтааст. Рисолаи илмии сиёсии мазкур аз пешгуфтор ва се боби муфассал иборат буда, бешак, таваҷҷӯҳи олимону сиёсатшиносон ва доираи васеи хонандагони ҷавонро ҷалб хоҳад кард.