Комёбии варзишгарон

Шаҳраки Сомониён, 31 январ. (АМИТ «Ховар», Ҳотам Рабиев).-Соҳаи варзиш дар ноҳияи Рӯдакӣ сол то сол ривоҷу равнақ меёбад. Соли сипаригардида дар ноҳия бо назардошти дастовардҳои анъанавии варзишгарони ноҳия дар риштаи дзюдо ва бо мақсади ривоҷу равнақи варзиш ва тарбияи ҷисмонӣ мактабҳои варзишии кӯдакону наврасони захираҳои олимпӣ ва мактаби махсуси кӯдакону наврасон доир ба дзюдои ноҳияи Рӯдакӣ таъсис дода шуд. Ҳамчунин дар ҷамоатҳо клубҳои варзишии «Ориён» ва «Шараф» фаъолият менамоянд, ки зиёда аз 1500 нафар наврасону ҷавононро ба варзиш фаро гирифтаанд.Вазишгарон соли гузашта дар мусобиқаҳои байналмиллалӣ соҳиби 4 медал- ду медали тилло ва ду медали биринҷӣ, дар мусобиқаҳои ҷумҳуриявӣ сазовори 18 медали тилло, 12 медали нуқра ва 22 медали биринҷӣ гардиданд. Дастаи футболи «Ситора»-и ноҳия ба лигаи олӣ роҳхат гирифт.