Корхонаҳо бо маҳсулот таъмин нашуданд

Душанбе, 30 январ.(АМИТ «Ховар», Лаззат Диловарзод).- Дар айни замон дар ҷумҳурӣ 77 корхонаи пахтатозакунӣ ва 31 корхонаи коркарди меваю сабзавот фаъолият дорад. Дар 77 корхонаи пахтатозакунӣ 199,6 ҳазор тонна пахта коркард шуда ва аз он 69,3 ҳазор тонна нахи пахта истеҳсол гардид, ки он 34,7 фоизи нахи пахтаи истеҳсолшударо ташкил медиҳад.Корхонаҳои коркарди нахи пахта ҳамагӣ 7 ҳазору 368,1 тонна нахи пахтаро коркард намуданд. Истифодаи иқтидорҳои истеҳсолии мавҷуда ҳамагӣ 10,7 фоизро ташкил медиҳад.Тибқи маълумоти оморӣ, дар вилояти Суғд 11 ҳазору 800 тонна ҳосили зардолу ҳамагӣ 1 ҳазору 158 тоннааш ба корхонаҳои коркард супорида шудааст, ки ин 10 фоизи ҳосили умумӣ ва 20 фоизи миқдори шартномаро ташкил медиҳад. Чунин ҳолат дар коркарди саноатии помидор низ мушоҳида гардид. Ба корхонаҳои коркарди саноатии помидор аз 17 ҳазор тоннаи шартномавӣ барои коркард ҳамагӣ 3 ҳазору 168 тонна помидор супорида шуд, ки фаъолияти мунтазами корхонаҳои саноатиро таъмин карда натавонист.