Корхонаи нави коркарди санги мармар бунёд мешавад

Душанбе, 19 январ. (АМИТ «Ховар», Кристина Эрлих). – Дар шимоли мамлакат то охири нимсолаи аввал корхонаи нави коркарди санги мармар ба истифода дода мешавад. Дар ин бора аз Вазорати энергетика ва саноати ҶТ ба хабарнигори АМИТ «Ховар» хабар доданд. Мувофиқи суханони манбаъ, корхонаи нав дар ноҳияи Ғончии вилояти Суғд бунёд шуда, иқтидори он 15 ҳазор метри мураббаъ мармарро дар як сол ташкил медиҳад. Ҳоло ба ин ҷо таҷҳизоти сохти Чин барои сохтани хати технологӣ оварда мешавад.Дар ҳоли ҳозир дар ҷумҳурӣ 4 корхонаи коркарди сангҳои рӯйкашӣ аз қабили санги хоро, мармар ва ғайра фаъолият доранд