Корхонаи трансформатори Қӯрғонтеппа ба сармоягузорӣ зарурат дорад

Душанбе, 31 январ. (АМИТ «Ховар», Кристина Эрлих). – Корхонаи трансформатори Қӯрғонтеппа ба сармоягузорӣ ва харидори доимии маҳсулоташ зарурат дорад. Дар робита бо ин, Вазорати энергетика ва саноати ҶТ бо ширкатҳои хориҷӣ перомуни ҷалби сармояҳо ҷиҳати рушди он гуфтушунид мекунад.Аз Вазорати энерергетика ва саноати ҶТ дар ин бора ба АМИТ «Ховар» хабар доданд.Мувофиқи суханони манбаъ, ҳоло лоиҳаҳои инвеститсионии ширкатҳои махсуси Беларус, Украина ва Олмон пешниҳод шудаанд. Қобили зикр аст, ки ҳоло корхонаи трансформатори шаҳри Қӯрғонтеппа ба дараҷаи 10 – 15 фоизи иқтидораш кор мекунад. Соли 2011 корхона ҳамагӣ 113 трансформатор сохта ва фақат 97 — тои он фурӯхта шуд. Дар Вазорати энергетика ва саноати кишвар иттилоъ доданд, ки имрӯз харидори асосии маҳсулоти корхонаи трансформатори ШСХК «Барқи тоҷик» мебошад.