Кумитаи оид ба корҳои дин фаъолияти яксоларо чӣ гуна ҷамъбаст кард?
Душанбе, 6 январ. (АМИТ «Ховар», Бекназари Абӯбакр). — 5 январ дар Кумитаи оид ба корҳои дини назди Ҳукумати Ҷумҳурии Тоҷикистон , ҷаласаи васеъи ҳайати мушовараи кумита баргузор гардид. Дар ҷаласа мудири шӯъбаи фарҳанги Дастгоҳи иҷроияи Президенти Ҷумҳурии Тоҷикистон Маҳмадсаид Пиров, аъзои ҳайати мушовара, Кароматулло Олимов, ректори ДИТ Умаралӣ Назаров ва мудирони шӯъбаҳои вилоятҳо ва мудирони бахшҳои оид ба корҳои дини ноҳияҳои тобеъи марказ иштирок намуданд.Дар ҷаласа раиси Кумитаи оид ба корҳои дини назди Ҳукумати Ҷумҳурии Тоҷикистон Абдураҳим Холиқов доир ба натиҷаҳои фаъолияти кумита дар соли 2011 гузориш дод. Ӯ зикр кард, ки фаъолияти кумита дар соли гузашта босамар буда, нисбат ба солҳои қаблӣ натиҷаҳои назаррас ба даст омадааст .Ҳамчунин масъалаҳои доир ба татбиқи “Қонуни Ҷумҳурии Тоҷикистон дар бораи озодии виҷдон ва иттиҳодияҳои динӣ”, “Қонуни Ҷумҳурии Тоҷикистон дар бораи масулияти падару модар дар таълиму тарбияи фарзанд” ва “Қонуни Ҷумҳурии Тоҷикистон дар бораи танзими анъана ва ҷашну маросимҳо” мавриди таваҷҷӯҳи аъзои ҳайати мушовараи кумитаи мазкур қарор гирифт. Ҳамчунин раиси кумита доир ба баъзе камбудиҳо ва норасоиҳои дар фаъолияти шӯъбаҳои дини вилояту шаҳру ноҳияҳои ҷумҳурӣ ишора намуда, барои рафъи онҳо ба масъулин супоришҳои мушаххас дод. Ҳамчунин масъалаи дуюми маҷлис дар бораи “Нақшаи кории Кумита дар соли 2012”мавриди баррасӣ қарор дода шуд. Баъд аз андешарониҳо нақшаи фаъолияти Кумита ва нақшаи фаъолияти Ҳайати мушовараи Кумита дар соли 2012 қабул шуд. Сипас мудири шӯъбаи фарҳанги Дастгоҳи иҷроияи Президенти Ҷумҳурии Тоҷикистон Маҳмадсаид Пиров доир ба фаъолияти Кумита ва назорати Кумита оид ба татбиқи “Қонуни Ҷумҳурии Тоҷикистон дар бораи озодии виҷдон ва иттиҳодияҳои динӣ”, “Қонуни Ҷумҳурии Тоҷикистон дар бораи масъулияти падару модар дар таълиму тарбияи фарзанд” ва “Қонуни Ҷумҳурии Тоҷикистон дар бораи танзими анъана ва ҷашну маросимҳо” ҳарф зада, ба фаъолияти кумита баҳои мусбӣ дод.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






