Курсҳои либосдӯзӣ барои ШИМ

Душанбе, 30 январ. (АМИТ «Ховар», Пайрав Назаров). – Дар Маркази муҳити бемонеаи Иттиҳодияи миллии маъюбони Тоҷикистон ва Ҷамъияти маъюбони шаҳри Душанбе курсҳои 8 – моҳаи либосбурию либосдӯзии шахсони имконияташон маҳдуд оғоз ёфтанд. Ширкати тиҷоратии «Фелиссимо» — и Ҷопон ва Ассосиатсияи кӯмаку дастгирии ( АКД) Ҷопон мададгори курсҳо мебошанд. Тавре дар АКД Ҷопон ба АМИТ «Ховар» хабар доданд, ин курсҳо ба иштирокдоронашон имкон медиҳанд, ки малакаҳои либосбурию либосдӯзиро пайдо намуда, бо ин васила барои рӯзгорашон маблағ пайдо кунанд. Машғулият дар курсҳо ҳафтае се маротиба ҳар рӯз 4 соатӣ гузаронида мешавад.