Маҳфили «Истеъдод»

Ҳисор, 4 январ.(АМИТ «Ховар», Ҳотам Рабиев).- Дар назди шӯъбаи ҳисории Иттифоқи нависандагони Тоҷикистон маҳфили «Истеъдод» амал менамояд. Шӯъба ва маҳфили мазкур аз соли 2001 фаъолият дошта, то имрӯз зиёда аз 70-80 китоби хурду бузурги аъзои маҳфил ва шӯъбаи мазкур рӯи чоп омадааст.Дар ин ҷо шоирон ва нависандагони шинохта, аъзои Иттифоқи нависандагони Тоҷикистон Ҳидоятулло Раҳмонӣ, Султонмуроди Одина, Ҳакималӣ Назаралӣ, Фатҳуллои Азиз, Абдуҳалим Самадзода, Эгами Назрулло, Ворис, Саидҷон Уроқӣ, Салоҳиддини Садр баробари эҷоди пурсамар ба аъзои маҳфил маслиҳатҳои судманд дода, дар тарбияи шоирону нависандагони ҷавон саҳми арзанда доранд.Сарварии бахши ҳисории Иттифоқи нависандагони Тоҷикистонро шоири шинохта Ҳидоятулло Раҳмонӣ ба ӯҳда дорад.