Маркази миллии косибон таъсис меёбад

Душанбе, 6 январ. (АМИТ «Ховар», Покиза Маҳмадбекова). – Аз 9 то 11 январи соли 2012 дар дафтари Ассосиатсияи миллии тиҷорати хурду миёна мулоқоти гурӯҳи корӣ ҷиҳати ташкили Маркази миллии косибони Тоҷикистон баргузор мешавад. Тавре корманди Ассосиатсияи миллии тиҷорати хурду миёнаи ҶТ Марҷона Наимова ба АМИТ «Ховар» хабар дод, ба ҳайати гурӯҳи корӣ косибони шаҳри Душанбе, ноҳияҳои тобеи ҷумҳурӣ, вилоятҳои Суғду Хатлон ва Вилояти Мухтори Кӯҳистони Бадахшон, намояндагони мақомоти дахлдори давлатӣ ва созмонҳои ғайриҳукуматии байналмилалӣ шомил мешаванд.