Маркази нави савдо дар Ишкошим

Хоруғ, 27 январ. (АМИТ «Ховар», Л.Додо ). – Дар ноҳияи Ишкошим ҷиҳати татбиқи Қонуни Ҷумҳурии Тоҷикистон «Дар бораи дастгирии давлатии соҳибкорӣ» корҳои зиёде анҷом дода мешаванд. Теъдоди бунгоҳҳои хизматрасонӣ дар маркази ноҳия боз ба як адад афзуд. Дар ин ҷо маркази нави барҳавои савдо дари худро ба рӯйи мизоҷон боз намуд. Дар бунёди он саҳми соҳибкорони маҳаллӣ ва мақомоти иҷроияи ҳокимияти давлатии ноҳия назаррас аст. Дар бунгоҳи нави савдо маводи гуногуни ғизоӣ бо нархи дастрас фурӯхта мешавад.