Механизми нави пардохти нафақа
Душанбе, 16 январ. (АМИТ «Ховар», Покиза Маҳмадбекова). – Дар ҳамаи намояндагиҳои Бонки давлатии амонатгузории «Амонатбонк» воқеъ дар шаҳрҳои Душанбе, Кӯлоб ва Қӯрғонтеппа механизми нави пардохти нафақа тавассути кортҳои пластикии бонкӣ роҳандозӣ шудааст. Ҷорӣ намудани механизми нав дар намояндагиҳои бонки мазкур дар Исфара, Истиқлол, Норак ва Ваҳдат аз моҳи январи соли ҷорӣ оғоз ёфт.Тавре дар «Амонатбонк» ба АМИТ «Ховар» хабар доданд, дар оғози моҳи январи соли 2012 шумораи дорандагони кортҳои бонкӣ қариб 165 ҳазор нафарро ташкил дод, ки беш аз 157 ҳазор нафари онҳо нафақагирон мебошанд.Мувофиқи суханони манбаъ, соли 2011 ба суратҳисобҳои транзитии буҷаи давлатӣ 1 миллиарду 400 миллион сомонӣ ва 836 миллиону 300 ҳазор сомонии саҳмияҳои суғуртаи иҷтимоӣ ворид гардид, ки ҳамаи онҳо тавассути намояндагиҳои бонк ба суратҳисобҳои дахлдор гузаронида шуданд. Дар ҳамин давра тавассути намояндагиҳои «Амонатбонк» ба ташкилотҳои буҷавӣ 1 миллиард сомонии нақд расонида шуд, ки назар ба ҳамин давраи соли 2010 баробари 11,6 фоиз зиёд буд. Аз ҷумла, барои пардохти маош 904 миллион сомонӣ ҷудо карда шуд. Қобили зикр аст, ки Вазорати молияи ҶТ барои пардохти нафақаи кормандони мақомоти ҳифзи ҳуқуқ 85 миллиону 900 ҳазор сомонӣ ҷудо карда буд.








Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд






