Минтақабоб шудани 7 навъи зироат

Душанбе, 3 январ. (АМИТ «Ховар», Лаззат Диловарзод).- Муассисаҳои илмии Академияи илмҳои кишоварзии Ҷумҳурии Тоҷикистон дар давоми соли 2011 тибқи барномаҳои тасдиқгардида фаъолият намуда, ба натиҷаи дилхоҳ ноил гардиданд. Аз ҷумла дар соли 2011 –ум 7 навъи зироати кишоварзии таҳқиқнамудаи олимони Пажӯҳишгоҳи зироаткорӣ аз тарафи комиссияи давлатии озмоишии навъҳои зироати кишоварзӣ ва муҳофизати навъҳои Вазорати кишоварзии ҶТ минтақабоб шуда, 1 навъи пахтаи миёнанах ба комиссияи мазкур пешниҳод гардид,- иброз дошт саркотиби илмии Академия Давлатҷон Комилзода ба мухбири АМИТ «Ховар».Тибқи иттилои манбаъ муайян шудааст, ки дар шароити заминҳои лалмии Тоҷикистон бо истифода аз нуриҳои бактериядори «ризоторфин» ҳосилнокии нахӯду наск то 18 фоиз зиёд мегардад. Пажӯҳишгоҳи зироаткорӣ тавассути зерташкилоти худ соли 2011 651 тонна тухмии хушсифати кишоварзӣ истеҳсол намуд. Тавсияҳои олимони Пажӯҳишгоҳи зироаткорӣ дар тамоми хоҷагиҳои зертобеи он хуб истифода шуда, натиҷаҳои дилхоҳ медиҳанд.