Мулоқоти раиси ПСС ҶТ бо сафири Куриё
Душанбе, 11 январ. (АМИТ «Ховар», Покиза Маҳмадбекова). – Дирӯз дар шаҳри Душанбе мулоқоти раиси Палатаи савдо ва саноати ҶТ Шариф Сайид бо Сафири фавқулодда ва мухтори Ҷумҳурии Куриё дар ҶТ ҷаноби Ён Ёнг – Ку баргузор гардид. Ҷонибҳо зимни мулоқот масъалаҳои техникии иштироки Ҷумҳурии Тоҷикистон дар намоишгоҳи байналмилалии «ЭКСПО – 2012» дар шаҳри Ёсуи Куриёро мавриди муҳокима қарор доданд. Тавре дар маркази матбуоти Палатаи савдо ва саноати ҷумҳурӣ ба АМИТ «Ховар» хабар доданд, Шариф Сайид дар ҷараёни мулоқот ба меҳмон аз вазъу самтҳои дурнамои ҳамкории дуҷонибаи тиҷоратию иқтисодӣ, зарурати рушду густариши ҳамкориҳо бо василаи доир намудани мулоқоти тоҷирон, намоишгоҳҳо ва дидани чораҳои гуногуни муштарак нақл кард. Шариф Сайид аз ҷумла, гуфт, ки ҳоло лоиҳаи Қарори Ҳукумати ҶТ дар бораи тайини комиссари генералии намоишгоҳ ва оператори миллии он мавриди муҳокима қарор мегирад. Лоиҳаи қарори мазкур вақтҳои наздик ҷиҳати баррасӣ манзури Ҳукумати ҶТ гардонида мешавад. Сафир аз ҷониби худ изҳор дошт, ки кишвараш хоҳони тезонидани раванди мазкур аст. Ӯ итминон дод, ки сафорат ба масоили ташкилӣ ҷиҳати ба расмият даровардани ҳуҷҷатҳои зарурӣ мусоидат хоҳад кард.
Имрӯз дар Тоҷикистон борони кӯтоҳмуддат меборад
ОМОДАГӢ БА ЗИМИСТОН. Иншооти соҳаҳои маориф ва тандурустии шаҳри Роғун бо ангишт, ҳезум ва сӯзишворӣ таъмин мебошанд
Дар Данғара даври ноҳиявии Озмуни ҷумҳуриявии «Беҳтарин хизматчии давлатӣ аз ҳисоби занон» доир гардид
Дар шаҳри Гулистон иншооти нави иҷтимоӣ ба истифода дода шуд
Имрӯз мардуми Мамлакати Шоҳигарии Арабистони Саудӣ 96-солагии ҷашни миллияшонро таҷлил менамоянд
Аз 23 то 25 сентябр дар баъзе минтақаҳои Тоҷикистон омадани сел пешгӯӣ мешавад
Тоҷикистон пас аз рӯзи сеюми Бозиҳои Осиёӣ-2026 дар ҷадвали медалҳо дар зинаи ҳафтум қарор дорад
Дар Тоҷикистон беш аз 800 ҳазор тонна зироати ғалладонагӣ ҷамъоварӣ шудааст
Ҷаласаи Комиссияи Озмуни ҷумҳуриявии «Донандаи беҳтарини асарҳои Пешвои миллат» доир шуд
