Мулоқоти сафири Тоҷикистон дар ВКХ Покистон
Душанбе, 10 январ. (АМИТ «Ховар», Пайрав Назаров). – Сафири Тоҷикистон дар Ҷумҳурии Исломии Покистон Зубайдулло Зубайдов бо директори раёсати кишварҳои аъзои ЭКО ва Осиёи Марказии Вазорати корҳои хориҷии Покистон Муҳаммад Асламхон мулоқот намуд. Тавре дар Раёсати иттилоот, матбуот, таҳлил ва тарҳрезии сиёсати хориҷии ВКХ ҶТ ба АМИТ «Ховар» хабар доданд, мавзӯи асосии мулоқот иборат аз омодагӣ ба конфронси ҳамкории иқтисодии минтақавӣ аз рӯи қазияи Афғонистон буд. Ин конфронс бояд 26 – 27 марти соли 2012 дар шаҳри Душанбе баргузор гардад. Сафир зикр намуд, ки конфронс бо иштироки вазирони корҳои хориҷӣ баргузор мешавад. Мувофиқи суханони ӯ, ин ҷамъомад бояд ба беҳдошти вазъияти Афғонистон ва рушди минбаъадаи иқтисодии он мусоидат намояд. Дипломати тоҷик ҳамчунин иброз дошт, ки иштироки вазири корҳои хориҷӣ ва ҳайати дахлдори Ҷумҳурии Исломии Покистон дар ин конфронс басо заруру муҳим аст. Директори Раёсат Муҳаммад Асламхон дар навбати худ изҳор дошт, ки Покистон ҷонибдори ҳалли мусбати проблемаҳои Афғонистон ва барқарор намудани сулҳу суботи ин кишвар аст. Мавсуф афзуд, ки ҳамаи кишварҳои минтақа ва пеш аз ҳама Тоҷикистону Покистон бояд дар ҳалли қазияи Афғонистон фаъолона иштирок намоянд.








Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд






