Мусодираи 869 адад маводи пастсифат

Душанбе, 30 январ. (АМИТ «Ховар», Покиза Маҳмадбекова). – Барои пешгирии воридоти ғайриқонунӣ, истеҳсол, фурӯш ва паҳншавии маводи савтӣ ва тасвирӣ аз ҷониби мақомот ва сохторҳои дахлдори вилояти Суғд рейди омӯзишӣ гузаронида шуд. Ба мухбири АМИТ «Ховар» аз Хадамоти матбуотии раиси вилояти Суғд иттилоъ доданд, ки дар бозорҳои «Дӯстӣ» ва «Атуш»-и ноҳияи Бобоҷон Ғафурови вилояти Суғд рейди мазкур доир гашта, дар натиҷа 869 адад маводи савтӣ ва тасвирӣ мусодира, 257 адади он нобуд карда мешавад. Ҳамчунин аз шаҳрвандон С. Қодирҷонова 104 адад, А.Ғафуров 51 адад, А.Каримов 102 адад фиттаҳои рӯпӯши полиэтиленӣ доштаи беҳуҷҷат ва пастсифат, аз ҷумла 2 адад филмҳои мамнӯъ мусодира гардид.