Намоишгоҳи байналмилалии масолеҳи сохтмонӣ дар Пекин

Душанбе, 3 январ. (АМИТ «Ховар», Покиза Маҳмадбекова ). – 5 марти соли 2012 дар шаҳри Пекини Ҷумҳурии Мардумии Чин Намоишгоҳи байналмилалии масолеҳи пардоздиҳӣ ва сохтмонӣ доир мегардад. Тавре дар Палатаи савдо ва саноати Ҷумҳурии Тоҷикистон ба АМИТ «Ховар» хабар доданд, соҳибкорону тоҷирони тоҷик метавонанд дар ин намоишгоҳ иштирок намоянд.Дар намоишгоҳ зарддевории қоғазӣ, матои ороишӣ, сафолоти бинокорӣ, маснуот ва таҷҳизоти коркарди санг, шишаи бинокорию ороишӣ, маснуоти бомпӯшӣ ва масолеҳи гуногун ба маърази намоиш гузошта мешавад.