Нархи боркашонӣ тавассути роҳи оҳан меафзояд?

Душанбе, 3 январ. (АМИТ «Ховар», Фарҳоди Шомаҳмад).-Шурӯъ аз 1- уми январи соли 2012 нархи интиқоли молу маҳсулот таваccути роҳи оҳани Ӯзбакистон ба Ҷумҳурии Тоҷикистон 32 % афзун мегардад,- иброз намуд муовини директори КВД «Роҳи оҳани Тоҷикистон» Усмон Қаландаров 3 январ зимни нишасти матбуотй ба хабарнигорони ВАО. Ба гуфти Қаландаров бо супориши Президенти Ҷумҳурии Тоҷикистон масъулини КВД «Роҳи Оҳани Тоҷикистон» қарор додаанд, ки ба хотири баланд нашудани нархи маводи ғизоӣ ва сӯзишворӣ дар Ҷумҳурии Тоҷикистон аз ҳисоби даромади КВД «Роҳи оҳани Тоҷикистон» барои соҳибкорон ва ширкатҳое, ки молу маҳсулот ворид ё содир мекунанд, имтиёз дода мешавад, яъне нархгузории моҳи декабр боқӣ мемонад. Ҳамчунин байни масъулини КВД «Роҳи оҳани Тоҷикистон» ва масъулини рохи оҳани Ӯзбекистон барои паст кардани тарофаҳо гуфтушунид идома дорад.