Нозирон азми Ашқобод рафтанро доранд

Январь 17, 2012 13:57

Душанбе, 17 январ.(АМИТ «Ховар», Марзия Саидова).-Намояндагони Комиссияи марказии интихобот ва раъйпурсии Ҷумҳурии Тоҷикистон ба ҳайси нозир ҷараёни баргузории интихоботи президентиро дар Туркманистон, ки 12 феврали соли 2012 доир мегардад, мушоҳида менамоянд. Дар ин хусус ба АМИТ «Ховар» аз Комиссияи мазкур иттилоъ доданд. Узви Комиссияи марказии интихобот ва раъйпурсии ҷумҳурӣ Ҷамолиддин Маҳмудов ва мутахассиси Комиссияи мазкур Аҳлиддин Бӯриев дар ҳайати нозирони Иттиҳоди Давлатҳои Мустақил ба Ашқобод сафар намуда, ҷараёни ин чорабинии муҳими сиёсиро наззора мекунанд. Дар робита ба баргузории интихоботи президентӣ дар Туркманистон Комиссияи марказии интихоботии ин кишвар иттилоъ медиҳад, ки аз 15 довталаб ба ҳашт нафар шаҳодатномаи номзадӣ ҷиҳати иштирок дар интихоботи президентӣ супурда шудааст. Дар радифи номзадҳо ба ҷуз аз Президенти феълии Туркманистон Қурбонқулӣ Бердимуҳаммадов, инчунин вазирон ва роҳбарони ширкатҳои бонуфузи нафту газ қарор доранд. Интихоботи президентӣ дар Туркманистон тибқи Қонуни асосии ин кишвар дар панҷ сол як маротиба гузаронида мешавад. Дар Туркманистон шахсе ба мансаби Президент интихоб мегардад, ки ҳатман забони давлатиро донад, 15 соли охир дар қаламрави ин кишвар иқомат ва дар мақомоту сохтори давлатӣ фаъолият карда бошад, инчунин синнаш аз чил поён ва аз ҳафтод боло набошад. Интихоботи қаблии президентӣ дар Туркманистон 11 феврали соли 2007 баъди даргузашти нахустин Президенти Туркманистон Сафармурод Ниёзов барпо гашта буд, ки аз миёни панҷ номзад Президенти феълии Туркманистон Қурбонқулӣ Бердимуҳаммадов дар синни 50-солагиаш сарвари кишвар интихоб гардид.

Январь 17, 2012 13:57

Хабарҳои дигари ин бахш

Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Имрӯз дар Тоҷикистон ҳавои тағйирёбандаи бебориш пешгӯӣ мешавад
Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд