Об – манбаи ҳаёт

Файзобод, 7 январ. (АМИТ «Ховар», Зебо Давлатова). – Бо мақсади бо об таъмин намудани минтақаҳои аҳолинишин Ҳукумати Ҷумҳурии Тоҷикистон дар тӯли 20 – соли истиқлолияти кишвар корҳои назаррасро ба анҷом расонид. Соли ҷорӣ дар деҳаи Арзанобаи ҷамоати деҳоти Ҷавонони ноҳияи Файзобод, деҳаҳои Лолагӣ, Тоқназарии ҷамоати деҳоти Вашгирд, деҳаи Файзободи ҷамоати деҳоти Файзобод аз масофаҳои дурдасти назди кӯҳӣ оби ошомиданӣ оварда шуд. Дар охири моҳи декабри соли равон ба маркази ноҳия аз масофаи 15 км об оварда шуд ва он дар айни замон мавриди истифода қарор дорад.